თეა

კითხვა 1: რა გქვია და რა დაგარქვეს როცა დაიბადე? რა ეროვნების პასპორტს ფლობ ამჟამად?

თეა გვეტაძე მერლანი. თეა გვეტაძე. გერმანული

კითხვა 2: როდის და სად იწყება შენი - როგორც ხელოვანის - ბიოგრაფია?

13 წლის ასაკში, პირველად რომ შევიპარე ბებიაჩემის სახელოსნოში.

კითხვა 3: რამდენჯერ გაქვს წარმოდგენილი შენი ნამუშევრები საქართველოში და როდის? / რამდენჯერ გაქვს წარმოდგენილი საქართველოს ფარგლებს მიღმა?

ორი პერსონალური გამოფენა გალერეა ნექტარში, 2014 და 2017 წლებში. რამდენიმე ჯგუფური გამოფენა 2014-დან დღემდე.

კითხვა 4: რატომ წახვედი? / რატომ დაბრუნდი უკან?

სასწავლებლად წავედი. უკან კი იმიტომ დავბრუნდი, რომ მამაჩემს სიმსივნესთან გამკლავებაში დავხმარებოდი.

კითხვა 5: ასახავს თუ არა შენი შემოქმედება შენს ბიოგრაფიას?

ხანდახან ვღელავ, რომ მნახველს მთელი ჩემი ცხოვრების ამოკითხვა შეუძლია ჩემს შემოქმედებაში.

კითხვა 6: ახდენენ თუ არა გავლენას შენს შემოქმედებაზე ქართული ვიზუალური ხელოვნების გარკვეული ტრადიციები? / რატომ? / რატომ არა?

რაიმე კონკრეტული ტრადიციის დასახელება გამიჭირდება, მაგრამ დანამდვილებით შემიძლია იმის თქმა, რომ ყველაფერმა, რაც ანტიკური პერიოდიდან მოყოლებული იქმნებოდა საქართველოში, ძალიან დიდი ზეგავლენა იქონია ჩემზე.

კითხვა 7: დაახასიათებდი შენს შემოქმედებას როგორც ფემინისტურს?

მსგავსი დეფინიციების მიღმა ვარ.

კითხვა 8: აქტიურად მოღვაწეობ შენი ამჟამინდელი საცხოვრებელი ადგილის სახელოვნებო სივრცეში? ქართულ სახელოვნებო სივრცეში?

დიახ.